दीप्तीमान तिवारी । नवी दिल्ली ( महाराष्ट्र टाईम्स ऑनलाईन वृत्त )
भारतात सक्रिय असणा-या दहशतवादी संघटनांना दहशतवादी कृत्यांसाठी तरुण मुले शोधण्यासाठी जास्त मेहनत घ्यावी लागणार नसल्याचे दिसत आहे. सध्या धर्मांध तरुणांचे गट स्वत:हून दहशतवाद्यांना मदत करण्यासाठी पुढे सरसावत आहेत. मुसलमानांवर अत्याचार होत असल्याची भावना या तरुणांच्या मनात रुजत असल्याने ते स्वत:च या कडव्या संघटनांकडे जात आहेत. भारतात सक्रिय असणा-या दहशतवादी संघटनांपैकी इंडियन मुजाहिदीन (आयएम) आणि लष्कर-ए-तोयबाच्या दहशतवाद्यांची हैदराबाद बॉम्बस्फोटासंबंधी चौकशी केल्यानंतर हे धक्कादायक सत्य समोर आले आहे. जास्त कष्ट न करता तरुण स्वत:हूनच दहशतवादी संघटनामध्ये काम करण्यास तयार होत असल्याचा हा नवीन ट्रेण्ड चिंतेचा विषय असल्याचे मत गुप्तचर संघटनांनी व्यक्त केले आहे. दहशतवादी संघटनांमध्ये स्वेच्छेने येणा-या तरुणांना आपल्याच देशाच्या विरोधात वागण्याचा पश्चाताप होत नसल्याची माहिती सैय्यद मकबूल, इमरान खान आणि ओबैद उर रहमान यांनी राष्ट्रीय गुन्हे अन्वेषण शाखेच्या (एनआयए) अधिका-यांना दिली.
भारतात सक्रिय असणा-या दहशतवादी संघटनांना दहशतवादी कृत्यांसाठी तरुण मुले शोधण्यासाठी जास्त मेहनत घ्यावी लागणार नसल्याचे दिसत आहे. सध्या धर्मांध तरुणांचे गट स्वत:हून दहशतवाद्यांना मदत करण्यासाठी पुढे सरसावत आहेत. मुसलमानांवर अत्याचार होत असल्याची भावना या तरुणांच्या मनात रुजत असल्याने ते स्वत:च या कडव्या संघटनांकडे जात आहेत. भारतात सक्रिय असणा-या दहशतवादी संघटनांपैकी इंडियन मुजाहिदीन (आयएम) आणि लष्कर-ए-तोयबाच्या दहशतवाद्यांची हैदराबाद बॉम्बस्फोटासंबंधी चौकशी केल्यानंतर हे धक्कादायक सत्य समोर आले आहे. जास्त कष्ट न करता तरुण स्वत:हूनच दहशतवादी संघटनामध्ये काम करण्यास तयार होत असल्याचा हा नवीन ट्रेण्ड चिंतेचा विषय असल्याचे मत गुप्तचर संघटनांनी व्यक्त केले आहे. दहशतवादी संघटनांमध्ये स्वेच्छेने येणा-या तरुणांना आपल्याच देशाच्या विरोधात वागण्याचा पश्चाताप होत नसल्याची माहिती सैय्यद मकबूल, इमरान खान आणि ओबैद उर रहमान यांनी राष्ट्रीय गुन्हे अन्वेषण शाखेच्या (एनआयए) अधिका-यांना दिली.
